EITB, Erredakzioa, 2012/01/19
EAEn guztira 116.900 langabe zenbatu ziren 2011ko azken hiruhilekoan. Langabezia Bizkaian igo da batik bat.
Langabezia tasa 0,6 puntu igo da 2011ko azken hiruhilekoan, eta beraz, % 11,2an kokatu da, hau da, aurreko hiru hilabeteekin alderatuta 5.500 pertsona gehiago geratu dira enplegurik gabe, igoera, batik bat, Bizkaian nabaritu da.
Eustat
Euskal Estatistika Erakundeak jardueraren araberako inkestaren datuak
kaleratu ditu, eta, horren arabera, 2011ko azken hiruhilekoan EAEn
116.900 langabe zeuden; aurreko hiruhilekoan baino 5.500 pertsona
gehiago, alegia.
Bizkaia, langabezia gehien igo den lurraldea
Langabeziak batez ere Bizkaian jasan du igoerarik handiena, tasa % 14,2an kokatu da lurralde horretan, Gipuzkoan, berriz, % 8an eta Araban % 7,3an.
2011ko
urria eta abendua artean, aurreko hiruhilekoarekin alderatuz, 3.300
langabe gehiago zenbatu dira Bizkaian, 1.800 Gipuzkoan eta 400 Araban.
Urtetik urterako datuak
Urte
osoari erreparatuz gero, Euskadin langabezia tasa 1,2 puntu igo da
2010eko laugarren hiruhileko datuekin alderatuta, eta % 10etik % 11,2ra
pasatu da.
Hala, EAEn 12.700 pertsona gehiago gelditu dira lanik gabe 2011n.
Lurraldeka
Bizkaiak izan du igoerarik handiena, 3,6 puntu igo da; Gipuzkoan,
berriz, 0,7 egin du behera; eta Araban 3,1 jaitsi da.
Beste
datu esanguratsu bat, 2011n EAEko 37.700 etxetan (etxe guztien % 4,4n,
alegia) kide aktibo guztiak langabezian zeuden; aurreko hiruhilekoan
baino 1.800 gehiagotan.
Langabeziaren igoerak batez ere gizonezkoei eragin die,
4.000 gizon geratu baitira enplegurik gabe 2011ko azken hiruhilekoan.
Langabezia tasa % 12,1ekoa da jada horien artean Euskadin, eta
emakumezkoen tasa, % 10,1ekoa, 1.500 emakume gehiago geratu baitira
lanik gabe.
Gazteen arteko langabezia tasa da altuena, % 24,2an kokatu da. 16 eta 24 urte arteko 11.400 gazte daude lanik gabe.
2011. urtearen amaieran, Europan % 9,8ko langabezia tasa zegoen, eta % 22,9koa, Espainian.
*****************
*****************
206.000 langabe daude Hego Euskal Herrian
Urtarrilaren bukaeran abenduan baino 13.676 pertsona gehiago zeuden langabezian. Iaztik Nafarroan igo da gehien langabezia: %11.
Berria.info 2012-02-02 -
Araba, Bizkai, Gipuzkoa eta Nafarroan dagoeneko berrehun mila langabetik gora daude, gaur Espainiako Gobernuko Enplegu Ministerioak emandako datuen arabera. Hain zuzen, urtarrilaren bukaeran Hego Euskal Herrian 206.016 lagun zeuden lanik barik.
Joan den abenduan baino 13.676 pertsona gehiago zeuden langabezian. Iazko urtarrilarekin alderatuz gero, berriz, 17.749 gehiago.
Araba: 24.217 langabe urtarril bukaeran, abenduan baino 1.849 gehiago (+%8,2). Iaztik +%10,5.
Bizkaia: 87.663 langabe, abenduan baino 5.767 gehiago (+%7). Iaztik +%9,9
Gipuzkoa: 43.987 langabe, abenduan baino 2.857 gehiago (+%6,9). Iaztik +%6.
Nafarroa: 50.149 langabe, abenduan baino 3.203 gehiago (+%6,8). Iaztik +%11.
Aralarrek "enplegu eta inbertsio plan bereziak" eskatu ditu langabeziaren "datu dramatikoei" aurre egiteko.
No hay comentarios:
Publicar un comentario