2012/10/29

New Yorken 375.000 pertsona ebakuatu dituzte 'Sandy' urakanagatik

LARRIALDIA

Eitb.com, ERREDAKZIOA, 2012/10/28

Eskola guztiak eta Wall Street itxita egongo dira. Garraio publikoa eten egin dute eta Obamak eta Romneyk bertan behera utzi behar izan dituzte kanpainako zenbait ekitaldi.

New Yorkeko herritarrak janaria eta edaria pilatzen hasi dira, urakanaren zain. Efe
New Yorkeko zenbait auzo hustu egin dituzte; guztira, 375.00 pertsona inguru ebakuatu dituztela zabaldu dute, eta eskolak itxita daude "Sandy" urakanaren zain.

Michael Bloomberg alkateak prentsaurrekoan esandakoaren arabera, hustu behar dituzten auzoetatik ateratzen ez direnak "euren bizitza eta erreskateko zerbitzuen langileena ere arriskuan jartzen dute".

Ebakuazioa hiriko auzo baxuenetan egingo dute, urakanak sortuko dituen euriteek uholdeak sortzea espero dutelako.

Andrew Cuomo gobernadoreak iragarri duenez, garraio publikoa ere eten egingo dute igande gauetik aurrera. Wall Street ere ez dute irekiko, baina operazio elektronikoak egin ahal izango dituzte. 


"Sandy"k 59 pertsona hil ditu Karibean.

Obamaren eta Romneyren kanpaina, etenda


Urakana iristear egoteak Barack Obamaren eta Mitt Romneyren kanpaina-ekitaldiak bertan behera geratzea ekarri du.

Romneyk igandean Virginian egin behar zituen ekitaldi guztiak bertan behera utzi ditu, eta azaroaren 6ko hauteskundeetarako azken ahaleginak Ohion egingo ditu, estatu horretan Obamak abantaila txikia ateratzen baitio inkesten arabera.

Obamak ere ez du Virginian kanpainarik egingo astelehen gauean, eta asteartean Coloradon egindako ekitaldia bertan behera utzi du. Colorado ere estatu erabakigarrai da AEBetako presidentetzarako hauteskundeak irabazteko.

Sanyren ibilbidea Kubatik iparraldera. (Foto: Tomado de Internet/ VANGUARDIA LIBERAL)

New Yorkeko hustuketa
Satelitearen argazkia: NASA, 2012.10.29
NASA posted this image of Hurricane Sandy taken at noon Eastern time on Sunday. Click the photo to see it larger. You can download a much larger version at NASA's Earth Observatory site. 2012.10.28

Sandi bilakaera ikus daiteke hemen:

No hay comentarios:

Publicar un comentario en la entrada

Related Posts Plugin for WordPress, Blogger...