2012/05/18

Espainiako atzeraldiaren kausak

EITB, Erredakzioa, 2012/05/17

Espainia bigarrenez sartu da atzeraldian krisia hasi zenetik, baina, zerk bultzatuta?

Kontsumoaren jaitsiera, kausa nagusietako bat.

Espainia atzeraldi ekonomikoan sartu da ofizialki, urteko lehen hiruhilekoan eta iazko azkenean barne produktu gordina (BPG) % 0,3 jaitsi eta gero, Espainiako Estatistika Institutuak (INE) gaur jakinarazi duenez.

Aipatu iturrien arabera, kontsumoaren eta inbertsioaren geldialdiek eragin dute atzeraldia.
Hain zuzen ere, etxeko kontsumoa ez aurrera ez atzera izan da aurtengo lehen hiruhilekoan, baina % 1 jaitsi zen iazko azkenean.

Dirua irabazteko asmorik ez duten erakundeen kontsumoa % 1,2 hazi da, baina % 1,1 jaitsi zen 2011ko azken hiruhilekoan; eta sektore publikoaren kontsumoa % 0,3 jaitsi da 2012ko lehen hiruhilekoan, eta % 1,1 aurrekoan.

Bestalde, inbertsioa % 2,6 jaitsi da iazko azken hiruhilekotik aurtengo lehenengora.

Bigarren aldia da Espainia atzeraldian sartu dena krisia hasi zenetik. 2008ko laugarren hiruhilekoan egin zuen lehen aldiz, eta ez zen atera 2010eko lehen hiruhilekoa arte. Bi urteren ostean, berriz egin du atzera.

No hay comentarios:

Publicar un comentario en la entrada

Related Posts Plugin for WordPress, Blogger...