Garoña ixtea eskatu dute amortizatuta egon eta arriskutsua izateagatik

Fukushima, lehen urteurrena

EITB, 2012/03/10

Bilbon egindako manifestazioan, zentral nuklearrak ixteko egutegia eskatu eta Garoñako erreaktorea Fukushimakoaren "bikia" dela azpimarratu dute.

Bideoa: Garoñako zentrala ixteko eskatu dute Bilbon

Bilbon 500 pertsona inguru bildu dira Fukushimako (Japonia) istripu nuklearraren urteurrenean Garoñako zentrala berehala ixteko eskatzeko.

Protestariek nabarmendu dutenez, Burgoseko zentralak "40 urte luze dauzka, amortizatuta dago eta Estatu guztia arriskuan jartzen du".

Manifestazioa hainbat erakunde sozialek, ekologistek, sindikalek eta politikoek deitu dute eta 500 pertsona inguru bildu dira; Alternatiba eta Ezker Batua alderdietako ordezkariak, esaterako. Ibilbidean zehar Garoñaren itxieraren aldeko oihuak eta energia nuklearraren kontrakoak egin dituzte. 

Ibilbidea Iberdrola Dorrearen aurrean bukatu dute, Bilboko hirigunea "Garoña itxi orain" leloa zeraman pankartarekin ibili ondoren. 

Fukushima gogoan

Raquel Monton energia nuklearraren kontrako Greenpeacen kanpainaren arduradunak esan duenez, larunbatean protesta ekitaldi ugari izan dira "Fukushimako hondamendiaren" lehen urteurrenean. 

Fukushiman, Montonen hitzetan, "arriskuak ez zituzten saihestu, nahiz eta horien berri izan", eta "ebakuazio planek huts egin zuten hondamendi naturalen kontra hobetoen prestatuta dagoen herrialdean". 

Albisteak

• Gobernuak Garoña beste 5 urtez zabalik mantenduko duela baieztatu du
• Garoñako zentralaren itxiera bultzatzeko eskatu diote Aldundiari
• Primer aniversario del accidente de Fukushima: Merkel recalca que Fukushima le empujó al apagón nuclear. Un año después del desastre de la central japonesa, la canciller alemana se muestra satisfecha de la decisión de abandonar la energía nuclear definitivamente antes de 2022: «Hemos visto que en un país industrial altamente desarrollado se dieron riesgos que no considerábamos posibles». Jose Angel ORIA | DONOSTIA,  GARA > Idatzia > Eguneko gaiak, 2012ko martxoaren 11a.

Bideoa: Energia nuklearraren arriskuaz ohartarazteko protestak egin dituzte. Energia nuklearraren aurkako taldeak kalera atera dira. Espainiako zentral nuklearren sarea ixtea eskatzen dute. Gogoratu dute Garoñak antzekotasun handiak dituela Fukushimako zentralarekin. EITB, 2012/03/10