Golkoko Kontseiluak Sirian dituzten enbaxadoreak kentzea erabaki du

Golkoko Kontseiluak Sirian dituzten enbaxadoreak kentzea erabaki du

Gainera, Europako hainbat herrialdek, tartean Espainiak, Frantziak eta Italiak, Damaskon dituzten enbaxadoreak kontsultara deitu dituzte.

Golkoko Kontseiluko herrialdeek Sirian dituzten enbaxadoreak kentzea erabaki dute, Damaskok Arabiar Ligak proposatutakoari uko egin ostean indarkeria areagotu den honetan krisiari irtenbide bat bilatzeko.

Kontseilua Saudi Arabiak, Qatarrek, Omanek, Kuwaitek, Bareinek eta Arabiar Emirerri Batuek osatzen dute.

Krisia konpontzeko "itxaropenik" ez dagoela adierazi dute ohar baten bitartez. Arabiar Ligaren ministro kontseiluari datorren igandean Siriako erregimenaren aurka "neurri zorrotzak" hartzeko eskatu diote.

Iragarpenak Europako beste herrialde batzuek hartutako erabakiarekin bat egiten du, izan ere, Espainiak, Frantziak eta Italiak kontsultara deitu dituzte bere enbaxadoreak.

Albisteak (2)

• Siriako Armada Homs hiria bonbardatzen hasi da, berriro
• 50 hildako Siriako Armadaren erasoaren ondorioz, Homsen

EITB.com, Erredakzioa, 2012/02/07

Bideoa: UNICEF: 400 haur hil dituzte eta beste 400 atxilotu, Sirian

EITB.com, 2012/02/08

UNICEF gobernuz kanpoko erakundearen arabera, 2011ko martxotik 400 haur hil dituzte Sirian eta beste 400 atxilotu izan dira. Adintxikikoei torturak eta sexu erasoak ohikoak dira baita ere.