2012/06/16

NDFk Espainiari soldata publikoak murriztea eta BEZ igotzea eskatu dio

- Urteko analisia

Halaber, erakundeak etxebizitzen dedukzioa ezabatzea eta enpresei onura fiskalak kentzea aholkatu dio Espainiari.


Eitb.com, Erredakzioa, 15/06/2012 20:38:00
 
Christine Lagarde, Directora Gerente Del Fondo Monetario Internacional (FMI)
Christine Lagarde, presidentea. Argazkia: Europa Press, REUTERS/ISSEI KATO

Nazioarteko Diru Funtsak (NDF) Espainiari langileen soldatak murriztea eta BEZ eta zerga bereziak igotzea eskatu dio denboraldi baterako, era berean Gobernuari etxebizitzen dedukzioa ezabatzea eta enpresei onura fiskalak kentzea aholkatu dio.


NDFren arabera, gastuak murriztea "alor aproposetan" aurreikusi da, baina aldi berean, "aplikatzeko zailak izango dira eta zein emaitza izango dituen ez dakigu", gaineratu du. Halaber, “marjina handia" dago onura fiskalak murrizteko eta BEZ eta zerga bereziak igotzeko neurria berehala hartu beharko litzateke. Gizarte Segurantzari egiten zaizkion kotizazioak jaistea nahi du, baina horretarako defizita murriztu beharko litzatekeela uste du, Barne Produktu Gordinaren % 3 azpitik, adibidez. 

Espainiari ekonomia arloan egindako proposamenen artean, nazioarteko erakundeak erreformak egiteko nahia mantentzeko eskatu dio, merkatuetan konfiantza berreskuratuz joateko, horrek finantza publikoak indartzea eta bankuen sektorearen erreforma osatzea eskatuko du.

Erakundeak “denen arteko irtenbide” baten alde egin du: “langileek soldatak gehiago jaistea onartu behar dute, enpresariek kostuetan aurrezten dutena prezioetara pasatu eta jendea kontratatu egin behar dute, eta bankuek birkapitalizatu".

Espainiako ekonomiaren aurreikuspenak "oso zailak" dira, Gobernuak erreformak egin nahi izanda ere, merkatuetan dagoen konfiantza baxua delako, Nazioarteko Diru Funtsaren txostenaren ondorioen arabera. Halere, Europako integrazioan emandako aurrerapausoek Espainiaren aurreikuspenak hobetzen lagunduko dutela uste du. 

No hay comentarios:

Publicar un comentario en la entrada

Related Posts Plugin for WordPress, Blogger...