 |
| Fatima Bañez (PP) |
Erreforma honek langabezia gelditu eta kontratazioa erraztuko duela esan du Fatima Bañez Enplegu eta Segurtasun ministroak. Eitb. com, ERREDAKZIOA, 2012/02/11.
__________________________________________________
LAN-ERREFORMA ONARTU DUTE
Gobernuak langileen kaleratzea merkatu du
Eitb.COM, ERREDAKZIOA, 2012/02/11
Soraya Saenz de Santamariak lan-erreforma 'historikoa' dela eta langilea kaleratzea azken aukera izango dela esanda hasi du lan-erreformaren inguruko prentsaurrekoa.
Bidegabe kaleratutako langile finkoen kalte-ordaina 45 egunetik 33ra jaistea onartu du Mariano Rajoyren Gobernuak. Horixe da ostiral honetan iragarritako lan-erreformaren puntu nagusietako bat. Kalte-ordain hori, gainera, 24 hilabetez kobratzeko eskubidea izango da, baina ez gehiago.
Aldi baterako kontratuei dagokienez ere aldaketak daude: 24 hileko gehienezko iraupena izango dute, bata-bestearen atzetik etengabe kateatzea ekiditeko. Neurria 2012ko abenduaren 31n sartuko da indarrean.
Enpresa txiki eta ertainak eta langile autonomoak"kontratatzaile handiak" bihurtu nahi ditu Gobernuaren lan-erreformak, Fatima Bañez Enplegu eta Gizarte Segurantza ministroak azaldutakoaren arabera. Horretarako, "ekintzaileei zuzendutako" mugagabeko kontratua sortu dute. Kontratu horrek urtebeteko proba-aldia izango du.
Gainera, Gobernuak "formakuntzarako kontua" deritzona sortu du. Horren bidez, langile bakoitzak urtean formakuntzarako 20 ordu erabiltzeko eskubidea du, enpresak ordainduta.
Hitzarmen koletiboak bi urtez luzatu ahal izango dira, gehien jota. Neurri horren bidez, Rajoyren Gobernuak hitzarmenen mugagabeko luzapenari amaiera jarri nahi dio.
Enpresek diru-saria jasoko dute 30 urtez beherakoak eta epe luzeko langabeakkontratatzeagatik; 3.600 euro gehienez 30 urtez beherakoak kontratatzeagatik eta 4.500 eurokoa epe luzeko langabeak kontratatzeagatik.
Finantza-erakundeen zuzendariek kaleratuak izanez gero jasotzen zuten kalte-ordaina kendu egin du Gobernuak. Horrela, eta Soraya Saenz de Santamaria Gobernuko bozeramaileak esan bezala, Europar Batasuneko gomendioak jarraitu ditu Exekutiboak.
Saenz de Santamariak lan-erreforma 'historikoa' dela eta langilea kaleratzea "azken aukera" izango dela nabarmendu du lan-erreformaren inguruko prentsaurrekoaren hasieran.
Erreforma Kongresura eramango dute
Bestalde, Gobernuak lan-erreforma Lege-proiektu moduan bideratzeko asmoa duela iragarri du ere Soraya Saenz de Santamariak prentsaurrekoan. Exekutiboaren helburua erreformaren inguruan "ahalik eta adostasun handiena" lortzea da, eta horregatik erreforma Kongresura eramatea erabaki du, nahiz eta Ministroen Kontseiluak Errege Lege Dekretu moduan onartu duen.
Gauzak horrela, Ministroen Kontseiluak onartu ondoren, erreforma Diputatuen Kongresura eramago dute diputatuen oniritzia jasotzeko. Ondoren, bideratzea bozkatu beharko dute, Lege-proiektu moduan. Azken izapide horri esker, alderdi politikoek zuzenketak sartzeko aukera izango dute.
Astelehenean, enpresari eta sindikatuekin bilera
Fatima Bañez Enplegu eta Gizarte Segurantzako ministroak iragarritakoaren arabera,astelehenean eragile sozialekin bilduko da, hau da, sindikatuekin eta enpresariekin, ostiral honetan onartutako lan-erreformaren nondik norakoak aurrez aurre azaltzeko. Bilera horretanarduraz jarduteko eskatu die.
Zelan bideratuko da orain lan-erreforma?
 |
| Soraya Saenz de Santamaria eta Mariano Rajoy Espainiako Kongresuan |
EITB.com, ERREDAKZIOA, 2012/02/10
Gobernuaren asmoa "ahalik eta babes handienarekin" lortzea da, horregatik Lege egitasmo bezala bideratzea erabaki du. Orain Kongresura igorriko dute.
Gobernuak lan-erreforma Lege-proiektu moduan bideratzeko asmoa duela iragarri du ere Soraya Saenz de Santamariak prentsaurrekoan. Exekutiboaren helburua erreformaren inguruan "ahalik eta adostasun handiena" lortzea da, eta horregatik erreforma Kongresura eramatea erabaki du, nahiz eta Ministroen Kontseiluak Errege Lege Dekretu moduan onartu duen.
Gauzak horrela, Ministroen Kontseiluak onartu ondoren, erreforma Diputatuen Kongresura eramago dute diputatuen oniritzia jasotzeko. Ondoren, bideratzea bozkatu beharko dute, Lege-proiektu moduan. Azken izapide horri esker, alderdi politikoek zuzenketak sartzeko aukera izango dute.
Saez de Santamariaren hitzetan, Gobernuak bide hau hartzea erabaki du alerdiek egin lezaketen "zuzenketak eta ekarpenak ikertzeko" eta "aberasgarriak direnak" atxikitzeko. "Sakonean aztertuko ditugu", gaineratu du.
No hay comentarios:
Publicar un comentario