Eitb.com, ERREDAKZIOA, 06/09/2012 15:28:00
Mario Draghi Europako Banku Zentralaren (EBZ) presidenteak iragarri du denbora askoan espero zen neurria.
Europako Banku Zentralak (EBZ) estatuen zorra erosiko du bigarren mailako merkatuan, Mario Draghi erakundearen presidenteak iragarri duenez.
"Gaur erabaki ditugu moneta alorrean, bigarren mailako merkatuan, Euroguneko estatuekin egingo ditugun ekintzak", adierazi du Draghik EBZren Gobernu Kontseiluaren ostean emandako prentsaurrekoan.
Draghiren esanetan, Euroguneko bonoen erosketak "estatuen bonoen merkatuaren zailtasunak" konponduko ditu. Bonoen merkatuaren egoera horren erruduna "oinarririk gabe" euroaren biziraupena zalantzan jarri duten inbertsoreek eragin dutela gaineratu du. Euroak ez duela "atzera bueltarik" esan die EBZren presidenteak "euroeszeptikoei eta euroaren kontra daudenei".
Egitasmo hori prezioen egonkortasunari eusteko konpromisoaren baitan kokatu du Draghik, eta EBZ bere erabakiak hartzeko erakunde "independentea" dela azpimarratu du.
Baina EBZk esku hartzeko, politikariek "irmotasun handiz" jokatu beharko dute, zerga alorreko egonkortasuna lortuz eta egiturazko erreformak eginez.
Gainera, EBZrentzat "beharrezkoa" da, bonoak erosi ahal izateko, laguntza eskatzen duten gobernuek ezarritako baldintzak betetzea "goitik behera".
Informazio gehiago
- Honelakoa da EBZk Espainiari eskainitako erreskatea. Plan honekin, Europako erreskate funtsak Espainiaren zor subiranoa erosi ahalko du. Eitb.com, ERREDAKZIOA, 07/09/2012 11:07:00. (Así funciona el rescate ofrecido por el BCE a España ).
- Stiglitz cree que pedir el rescate sería un suicidio para España. El premio Nobel de Economía Joseph E. Stiglitz ha advertido de que si España finalmente opta por solicitar la ayuda del BCE a cambio de unas condiciones de austeridad como las impuestas en países como Grecia, el país estaría cometiendo un "suicidio"... Cincodías.com, Efe - Madrid - 15/09/2012 - 12:18
No hay comentarios:
Publicar un comentario