Iraindu eta oihukatu zuten
Eitb.com, 2012/03/03
Frantziako presidentea "Frantziari gorroto handia
dion gutxiengo" bati leporatu dio gertatutakoa, "edozertarako prest
dagoena". Eta horiekin bat egin zuten, bere hitzetan, zenbait
sozialistek.
Nicolas Sarkozy Frantziako presidenteak Baionan bere kontra egin
zuten manifestariak gogor kritikatu ditu. Istiluen ondorioz, Baionara
hauteskundeetan egindako bisita ez zen espero bezala atera. Bertan
protesta egin zutenei, independentistak eta sozialistak barne, euren ideiak "indarkeria eta beldurra erabilita" inposatzen saiatzea leporatu die.
"Errepublika batean ados ez gaudenei ere errespetua zor diegu. Ezin zaie hitz egitea galarazi, ezin dugu gaizkileen antzera jardun", esan du Sarkozyk Bordelen egindako mitinean.
Sarkozyren
hitzetan, "besteek iritzi ezberdina izatea jasaten ez duen jendea ikusi
nuen Baionan, ezin dute beraiek bezala pentsatzen ez dutenak jasan".
"Jende horrek, indarkeria eta beldurra eraginez zeozer irabaziko dutela uste du? Ba, oker daude, Frantzian gehiengo isil bat dagoelako eta gehiengo hori isilik egoteaz eta besteen erakustaldiez nekatuta dago", gaineratu du.
Errua, sozialistei
Presidente kontserbadoreak euskal independistekin batera protestan aritu ziren sozialistak aipatu ditu, baina ez zuzenean.
Horien eta bestelako elkarteetako kideen protestek Baionako hirigunetik
oinez ibiltzeko asmoa zapuztu zuten eta taberna batean babestu behar
izan zuen, Polizia egoera kontrolpean hartzen saiatzen ari zen
bitartean.
"Lotsagarri geratu ziren euskal independentistekin bat egin zutenek; gutxiengo txiki bat izan zen, edozertarako prest dagoena eta Frantziari gorroto handia diona", azpimarratu du.
Bideoak (2)
Albisteak (1)
No hay comentarios:
Publicar un comentario