GEOGRAFIA IKASTEKO SAREAN: EAJ: 'Lan erreformaren ereduak Indiakoen eta Txinakoen antzekoak dira'

2012/02/20

EAJ: 'Lan erreformaren ereduak Indiakoen eta Txinakoen antzekoak dira'

Emilio Olabarria diputatuak salatu du lan erreformaren formulak ez direla Ongizate Estatu baten tankerakoak.

EITB.com, Erredakzioa, 2012/02/20

Emilio Olabarria, Alberto Ruiz Gallardón ministroarekin, Kongresuan

Emilio Olabarria EAJk Kongresuan duen diputatuak adierazi du PPk "oreka puntuak" bilatu beharko dituela lan erreforman, Espainiako "lan ereduak" ez izateko Indiakoen edota Txinakoen antzekoak.

Onda Vascan egindako elkarrizketa batean, Olabarriak esan du erreformak "ordezkapen sindikalaren bizkarrezura hautsi" egiten duela, "enpresaburuen alde", "herrialde moderno eta zibilizatu baten tankerakoak ez diren formulak erabilita".

Horrenbestez, "gehiegizko desregulazio baten eragin maltzurra" galarazi nahi badu, PPk erreformaren "desorekak" konpondu beharko dituela iritzi dio, lan eskubide gutxi dituzten herrialdeen tankerakoak direlakoan. Horren adibide, India eta Txina aipatu ditu.

"Eredu horien alde egiteak enplegu betearen aldeko politikak eta langileak defendazeko lan eskubideak errefusatzea ekarriko du", esan du.

Nolanahi ere, Olabarriak zehaztu du EAJk ez duela greba orokorrik defendatuko, lanuztea ez baita "formula onena" herrialde baten arazo ekonomikoak konpontzeko.

ETAko presoak

Bestalde, Olabarriak gogorarazi du espetxe legediak ez diela exijitzen presoei damutzea, baizik eta erakunde kriminalarekin lotura apurtzea.

Horrela, diputatu jeltzaleak hizpide hartu ditu Jorge Fernandez Diaz Barne ministroaren azken iragarpena, hau da, Espetxe Zuzendaritzak errefusatu egin duela ETAko ehunka presok EAEra edo Nafarroara hurbiltzea aurkeztutako eskaera, "damutu ez direlako".

Albisteak (3)