NBEk Siriaren kontrako salaketa onartu du

Trantsizioari ekitea exijitzen diote bertan. Ebazpenak kontrako 12 boto jaso ditu, tartean Errusiarena, Txinarena, Iranena eta Ipar Korearena.

EITB.com, Erredakzioa, 2012/02/16

NBEren Batzar Nagusiak ''Siriako gobernuak sistematikoki egiten dituen giza eskubideen urraketak' salatzen dituen ebazpena onartu du ostegun honetan. Ebazpen horretan, Liga Arabiarrak proposatutako trantsizio planari ekiteko eskatzen diote Siriari.

Salaketaren testuak aldeko 139 boto jaso ditu. 17 herrialdek ez dute botorik eman, eta beste 12k kontrakoa eman dute. Errusia, Txina, Irain, Bielorrusia, Zimbabue, Ipar Korea, Kuba, Nikaragua, Venezuela, Ekuador eta Bolivia izan dira kontrako iritzia agertu dutenenetako batzuk.

"Askatasuna eta demokrazia lortzeko Siriako herriak duen aukera bakarra da Liga Arabiarraren proposamena'', esan du Egiptoko enbaxadoreak.

''Atzerapenik gabe Siriako herritarren aurkako indarkeria ekintza guztiak bukatzeko eta bere herria defendatzeko'' exijitzen dio testuak Al Asaden gobernuari. Era berean, ''berriki gertatu diren istiluetan arbitrarioki atxilotutako pertsona guztiak'' aske uzteko eskaria ere egiten zaio bertan Siriako gobernuari.

Ban Ki-moon NBEren idazkari orokorrak Siriara ordezkari berezi bat bidali dezan ere proposatu dute, krisiari 'irtenbide baketsua' eman diezaion.

Abstentzioaren ondoren, kontrako botoa
 
Errusiak eta Txinak ez zuten botorik eman NBEren azken Batzar Nagusian, baina, ostegun honetan, ebazpenaren kontrako jarrera agertu dute.

Albisteak (5)

• Errepresioak beste 40 hildako eragin ditu Sirian
• Siriak erreferendum konstituzionala deitu du otsailaren 26rako
• Sirian 'berehala' esku hartzea eskatu du NBEk
• Liga Arabiarrak Nazio Batuengana jo du Siria kontrolatzeko asmoz
• Txina eta Errusia, Siriako pelikularen pertsonaia gaiztoak

Informazio gehiago 

• EITBk Siriako enbaxadorea elkarrizketatu du
• Analisia: Zergatik ez dute Sirian esku hartzen?. Siriar asko kexu dira, eta zera galdetzen dute: Gadafi boteretik kentzeko Libian esku hartu bazuten zergatik ez da gauza bera egiten Al Assadekin Sirian?. EITB.com, Jesus Torquemada, 2012/02/23.
• Kofi Annan, Siriarako ordezkari berezi. Bestalde, nazioarteak goi-bilera egingo du gaur Tunisian, Sirian trantsizioan aurrera egiten saiatzeko. EITB.com, 2012/02/24.

  

  Kofi Annan

• Txinaren proposamena onartu du Siriak eta NBEko lana erraztuko du. Siriako Atzerri ministroak baieztatu du Nazio Batuen Erakundeko esfortzuak erraztuko dituela laguntza humanitarioaren inguruan, eta Kofi Annanekin elkarlanean arituko dela.Txinako planak indarkeria gelditzeko eskatzen du eta baldintzarik gabeko negoziazioak hasteko. Siriaren burujabetzarekiko errespetua eta atzerriko interferentziak baztertzea ere azpimarratzen du. 
  Txinako proposamena oso kritikatua izan da, Nazio Batuen Erakundeko Segurtasun Batzordean Siriako erregimenaren aurkako kondenari betoa jartzeagatik. Eitb.com, 2012/03/07